اقطعي على جوزك الفرصة
سلام عليكم
يا استاذة نيفين الرجالة دايما يقولوا ان الست هية اللي نكدية وبجد ده اتهام ملوش أساس لان الشخص النكدي نكدي بطبعه راجل او ست وانا تحديدا مشكلتي اني بحب النكتة جداً وجوزي يموت في الغم مش بيضيع فرصة للندب على أي حاجة عمال على بطال شغال ندب لغاية ما جالي اكتئاب انا كمان حاجة مزعجة جداً والله ، فهمته كتير انه بالطريقة دي بيقصر في عمر جوازنا لكن مفيش فايدة ، اعمل ايه ؟!
نوسة
فضفضة
محررة الصفحة .. نيفين حجازي
عادة ما يكون الشخص النكدي بيخاف على نفسه وموسوس ، حاولي تفهميه بعد كل طالعة نكد ان الزعل والنكد الكتير بيعجز بدري وان الانفعال وشيل الهم سبب معظم الأمراض الخطيرة ودي حقيقة بالمناسبة ، بكدة هتخليه يخاف من الزعل والنكد بطريقة غير مباشرة .. جربي مش خسرانين حاجة .
