مصر كلها عارفة مراتي !!
صباح الخير استاذة نيفين لعلك بخير يارب ،
المشكلة باختصار في حنجرة مراتي .. صوتها عالي بدرجة مزعجة جداً في الكلام العادي يعني لما بتتخانق مصر كلها بتعرف الحدوتة وبتعيش معانا الحمد لله ، غلبت انبهها بدون ستين الف لازمة والمشكلة الأكبر اني انا كمان صوتي منخفض عن العادي ، ومشاكلنا معظمها على حكاية الصوت دي .. هية عيلتها كلهم صوتهم زيها كدة مكرفونات .. بجد مش عارف اعمل ايه ؟!
حسام
فضفضة
محررة الصفحة .. نيفين حجازي
ضحكتني والله يا أستاذ حسام على تشبيهاتك لكن المشكلة ان اصحاب الصوت العالي ملهمش حل ، لان إحدى صديقاتي عندها نفس المشكلة وبنقضي القعدة كلها نزعقلها على صوتها ده غير التوتر اللي بيصيبنا ، مفيش قدامك غير يا أما تعلم نفسك تعلي صوتك زيها وبرضه ده مش منطق يا أما تعمل لها عقاب كل ما تتكلم بصوت عالي وخصوصا حرمانها من الشوبنج مثلا .
