أكلت حق إخواتي

انا الأخ الأكبر لثلاث بنات ترك ابويا وامي ميراثهم أمانة معايا علشان أكبر الشغل وأدي لكل واحدة فيهم حقها .. بعترف أني خنت الأمانة ايوة انا خنت الأمانة وخالفت شرع ربنا وخالفت وصية ابويا وامي وإخواتي ما يعرفوش اني عملت كدة لاني برميلهم كنت فتات المكسب من تجارة مكسبها يأكل كذا عيلة واخدت الفلوس بعزقتها على مراتي وعيالي .. الل خلاني أفوق هية زوجتي , بعد ما عرفت صدفة بموقفي طلبت الطلاق وقالتلي انا ما ااكلش عيالي مال حرام واذا الحق ما رجعش لأصحابة لازم نطلق وعيالك مش هسمحلك تشوفهم .. في الوقت دة ابني جاله فايروس خطير أصاب جهاز المناعة .. الولد اتبهدل من كتر المستشفيات والدكاترة مش عارفين السبب ولغاية دلوقتي صرفت عليه تقريبا مظم الفلوس اللي أكلتها على إخواتي .. الألم اللي ابني فيه حرق قلبي ومش هتكسف أقول أنه فوقني بس انا مش عارف أواجه اخواتي ازاي و اقول لهم ازاي اني اكلت حقهم .. عايز ارجعلهم فلوسهم بالكامل ومش عايز علاقتي بيهم تبوظ لما يعرفوا ان اخوهم باعهم وطلع ندل …. اعمل ايه افادكم الله .

م . ع

فضفضة

محررة الصفحة .. نيفين حجازي

قم بحساب دقيق لحق أخواتك ثم إخبرهم بأن هناك صفقة على سبيل المثال ربحت فيها مالا كثيرا وان ما سترده لهم هو حقهم في هذه الصفقة .. أقترح عليك هذا كي لا تخسر نظرة أحترام اخواتك خاصة وانك ندمت كما يبدو في رسالتك .. أو ارجع لهم حقهم على دفعات متقطعة كي لا يشك أحد , ونصيحة مني .. لا تترك الشيطان يلعب بك مرة أخرى فالحق هنا حق الله قبل أن يكون حق بشر .. فعندما أسرفت في حق الله جعلك تعيش الحسرة في ولدك .. لا شئ في الدنيا كلها يستحق ما فعلت .. عموما .. أمرنا الله بالعفو عند المقدرة طالما الظرف مس ضميرك أخيرا .. هداك الله من عنده ويشفي ابنك من عن‪ده‬ واكثر من الإستغفار .