بالفيديو.. هالة فاخر عن فارس أحلام المراهقات: "أحلموا على قدكم"

قالت الفنانة هالة فاخر: "الفتيات يحلمون بفارس الأحلام، الأمير اللى هايأخدها على الحصان الأبيض للقصر، وفجأة تصطدم بالواقع عندما يكون المتقدم لخطبتهم من عينة موظف محترم فى الشهر العقارى، أو سواق ميكروباص".

وأضافت فاخر، خلال تقديمها برنامجها "من الآخر" عبر فضائية "صدى البلد"، اليوم الأحد، مخاطبة الفتيات: "نصيحة يا أخواتى، أولا مصر نظامها رئاسي مش ملكى، يعنى مفيش ملوك ولا أمراء، ثم إنتى الأمير هايوصلك ولا يبوصلك على إية، ممكن الحصان يبصلك، ثانيا الوحيد اللى ممكن يجيلك على حصان، هاتلاقيه فى نزلة السمان بيركب السياح ويلف بيهم حول الهرم، ثالثًا القصر الوحيد اللى ممكن تروحيه، هو القصر العينى الفرنساوى، أكيد هاتروحيه بعد أول خناقة بعد الزواج، مش قبله، رابعًا هاتخلفوا صبيان وبنات لكن هاتعيشوا فى نبات أزاى على أساس إنك بذره، ماتعقلوا الكلام، وأحلاموا على قدكم، زى زينات صدقى كان فارس أحلامها عبد السلام النابلسي، وكانت حاطه صورته على الوسادة الخالية".