بالفيديو.. "الحسيني" لـرئيس "النقل العام": "بتحب تجيب لنفسك التهزيق ليه"

سخر الإعلامي يوسف الحسيني، من تصريح من رزق علي، رئيس هيئة النقل العام الذي قال به أنه نادر ما يشاهد راكب واحد واقفا في الاتوبيس، قائلا: "شكله منزلش من 45 سنة وانت نفسك تشوف الراكب الواقف يااستاذ رزق هنوريهولك".

وأضاف "الحسيني"، خلال تقديمه برنامج "السادة المحترمون"، المذاع على فضائية "اون تي في": "محتاج أقول كلمتين فقط لهذا المسئول المحترم، ياسيد رزق عشان ننهض بالبلد دي لازم نعترف بمشاكلنا وما نحاولش نجمل الواقع ونجمل الصورة، احنا موجودين في الشارع ومع المواطنين وعارفين ايه الموجود وعارفين وحمة الاتوبيسات، فما تقولش نادرا لما تلاقي حد واقف في أتوبيس.. طب احنا صورنا المشاهد دي هل حضرتك شوفتها، ايه رأي حضرتك يارزق بيه في ناس بتقف في الاتوبيسات ولا لأ".

وتابع: "اتقي الله في نفسك يااستاذ رزق ليه بتحب تجيب لنفسك التهزيق وان حد يقولك كلمتين في الرد عليك..ولا انتم يامسئولين بتنبسطوا لما نهاجمكم ونقولك كلام يزعلكم..ومفروض أي مسئول يكذب يتعاقب مش يتفصل بس لا لازم يتعاقب".