إيناس عز الدين: انكتبلى عمر جديد.. وعمر الشقى بقى

طمأنت الفنانة الشابة إيناس عز الدين، جمهورها عل حالتها الصحية، بعد تعرضها أمس، لأزمة قلبية دخلت على إثرها المستشفى، وأقسمت أن العناية الإلهية أنقذتها من الموت.

 

وكتبت إيناس، عبر حسابها الخاص بموقع التواصل الاجتماعى "فيسبوك": " صباح الخير عليكم .. ربنا يعلم انا بكتب وانا تعبانة قد ايه وبعافر بس كان ﻻزم اطمنكم عليا انا الحمد لله بخير بفضل ونعمة ربنا سبحانه وتعالى انا بدون اي سبب امبارح دخلت في ازمة قلبية ودخلت في اغماء والاسعاف نقلتني المستشفى ودخلت عناية مركزة وكان ضغطي 180 / 110 وبعدها بشوية ضغطي نزل ل 70/50 فجأة وبعدها اتحطيت تحت المﻻحظة لحد ما حالتي اتحسنت الحمد لله وضغطي استقر وخرجت بالليل انا فعﻻ انكتبلي عمر جديد انا لو اقسمت اني شوفت ابويا امبارح بيمدلي ايده يمكن ماحدش يصدقني الحمد لله على كل حال".

 

وأضافت: " بجد بشكركم من كل قلبي على خوفكم وقلقكم ودعواتكم اللي ربنا استجاب لها وربنا يطمن قلوبكم وما تشوفوش اي شئ وحش".

 

وتابعت: " والنهاردة عيد جوازي الثاني وهحتفل بيه لو بموت ولو آخر يوم في عمري ربنا يخليك ليا يارب وما يحرمني ابدا من وجودك في حياتي.. لسه عمر الشقى بقى".