بالصور .. نشطاء يمزحون من الموجة الحارة بـ"حران يا عم الحاج.. وهنسيح كلنا"

حران يا عم الحاج، ايه الحر دا، تسعين مليون حران، هنسيح كلنا، عبارات تداولها نشطاء مواقع التواصل الإجتماعي "فيسبوك وتويتر" مزحاً من الإرتفاع الكبير في درجات الحرارة اليوم والتي تخطت الـ 45 درجة مئوية.

 فقال علي الشاذلي، "الحرارة اليوم هى حاجه من إتنين الأرض بدلت مع عطارد وقربت من الشمس اوى ، ياحنا اللى دخلنا النار"، فيما كتبت احدى النشطاء باسم بسكوتة مازحة:"انا بسيح من جوايا ونسيت طعم البرد".

وأضافت رودينا، ساخرة: "أحلي حاجة في مصر انها يوم ما تطلع الأولى ع العالم في حاجة يبقي في درجة الحرارة ..يا حبيبتي يا مصر"، وأضافت ميسرة مدحت: "ياريت يا اخوانا اللي يدعي اننا نبقي زي دول الخليج يحدد نقطة الفلوس عشان ادينا لبسنا في درجة الحرارة بس".

 

وعلق "الموكوس"، ساخراً من درجة الحرارة قائلاً : "يا اخوانا ندعى بجد لأى اتنين هيتجوزوا النهارده .. العروسة مش هتعمل أي حاجه غير انها تهوى على العريس بديل الفستان".

وفي السياق ذاته، قال مؤمن سامي، مازحاً: "تحس إن الشمس بقت بتطلع هي وعيالها"، واستكمل ابراهيم الجارحي: "احنا مش في موجة حارة .. احنا في فرن.. والمفروض كل شوية حد يدخل علينا يقلبنا على كل جنب شوية.. علشان احنا كدة هنتحروق ومش هنستوي من جوة كويس".


واستكمالا لحالة المزاح التي انتشرت على مواقع التواصل، دشن النشطاء هاشتاج عبروا خلاله عن أمنياتهم باسم "الجو ده محتاج"، فقال أحمد محرم : "‏الجو ده محتاج أجازة من الشغل وتسافر شرم الشيخ أسبوع بس لو عندك شغل سقط لوح تلج فى البانيو واغطس فيه وانتعش مع عصير برتقال فريش اصلي"، وأضاف اللورد كرومر: "الجو ده محتاج انك تاخد قيلولة في الديب فريزر وشكراً".