فوقوا يا بشر !

انا ارملة لزوج لي منه ولدين توفى الزوج ووقعت تحت ايد اهل الزوج بلا رحمة .. مش عايزين أورث في جوزي ولا أولاده كمان .. مليش دخل لان والدي متوفي ولا ليه حتى معاش من اي جهة بحكم وضعي الإجتماعي .. اولادي فات عليهم سنة في المدرسة علشان ماعرفتش ادفع المصاريف واالي شايلني انا وهمة اكل وشرب بالعافية هي أمي ربنا يديلها الصحة والعافية وطولة العمر .. اتكلمت معاهم كتير مفيش فايدة .. انا دلوقتي بدور على شغل وبشكل مبدئي لقيت الحمد لله كذا عرض وهعمل مقابلات واللي يجيبه ربنا خير .. لكن عايزة اقول حاجة لقراء فضفضة ان كان حد فيهم في نفس ظرف اهل زوجي او يعرف حد من العينة دي .. ارجوكم فوقوا .. ارجوكم ارحموا نفسكم قبل ما ترحموا الناس دة هييجي يوم هنقف فيه كلنا بعملنا قدام العدل الرحمن الرحيم .. لا فلوس هتنفع ولا صاحب هيشفع .. فوقوا دة مال اليتيم ربنا وصانا عليه حرام عليكم .. هتقابلوا ربكم إزاي يا بشر .. كلنا هنبقى تحت التراب .. تحت التراب .

أسماء