حبيبي من بلد الطيبة
مساء الخير استاذة نيفين , المشكلة باختصار اني مرتبطة بانسان آية في الأخلاق والرقي والأحترام وبنحب بعض بقالنا خمس سنين اشتغل الحمد لله وقرر يتقدملي لكن اهلي رافضين علشان هوة من احد محافظات الصعيد والسبب انهم شايفين اهل الصعيد غلابة واسفة لاهل الصعيد انا شخصيا بقدرهم جدا بدليل اني حبيت راجل منهم .. المهم .. انا مش عارفة اواجه اهلي اكتر من كدة وانا لو لفيت الدنيا مش هلاقي في طيبة واخلاق حبيبي دة ومحتاجة اعيش معاه في هدوء وسلام والمشكلة ان اهلي كل شوية يقولوا طيب نفكر طيب شوفي حد تاني غيرة .. هوة مش كيلو طماطم هنزل اشتريه !!
اعمل ايه يا استاذة ارجوكي الرد في اسرع وقت وشكرا ليكي جدا
فضفضة
محررة الصفحة .. نيفين حجازي
تحية خاصة لأهل الصعيد المصري كله صغيره قبل كبيره , انا شخصيا أقدر أهل الصعيد تقدير مختلف وخاص .
في رأيي مادمتي مقتنعة ومؤمنة بشخص ستدافعين عن وجوده معك بإستماته طالما يستحق .. واستثمري فرصة ترددهم الواضح لي في رسالتك في تعريف الصفات الحسنة في حبيبك , تكرار المحاولة هو الحل الوحيد لمواجهة أسرتك ومواجهة أفكارهم .. ابذلي مجهود مضاعف للدفاع عنه ولا تملي من مواجهة أفكار ليس لها أساس من الصحة .
