إنت مش راجل
إتجوزت بقرار من أسرتي برغم رفضي للشخص نفسه , بقالي زوجه للكائن دة سنة وشهرين بالظبط .. من يوم فرحي ما لمسنيش غير بشكل خارجي .. يعني انا انهاردة لسة عذرااااااء يا بني آدمين .. المصيبة اللي انا فيها اني اشتكيت لأمي على أساس تحكي هية لأبوية .. وكان الرد الأغرب من العيشة الغريبة اللي انا عايشاها " عيب تقولي كدة على جوزك " بالذمة دول أهل دول ودة راجل دة ؟ اموت نفسي يعني ؟ هوة فيه كدة ؟ أنا متغاظة لدرجة تخليني اكلم اهله وهمة يتصرفو .. الأنيل بقى ان امي بعد ما أتحفتني بالرد دة بتقولي ما تفكريش في طلاق ما عندناش بنات تطلق .. طيب يا جماعة هوة كدة حلال ربنا ؟ هوة انا مطلوب مني اعيش عذراء مع جوزي ؟ ليه صنم ؟!!!! دة مش المفروض أطلق منه بس .. دة لازم يترجم في ميدان عام .. حد يقولي ياخوانا اعمل ايه في الهم دة .
م . ع
فضفضة
محررة الصفحة .. نيفين حجازي
إشرحي لوالدتك مرة أخرى بشكل تفصيلي الأضرار الواقعة عليك وما سينتج عنها مستقبلا بخلاف رغبتك في إنجاب أطفال .. وأن ما تقوله مخالف لأي منطق , ان وصلتم الى نفس النتيجة تكلمي مع زوجك بشكل واضح وصارم كي تتوصلي الى أسباب إمتناعه عنكي .. ان لم تصلي إلى اي نتيجة للأسف ستضطرين الى إخبار والدته كي تسرع في التصرف .. من حقك الطلاق إن لم يستقم الحال .
