نجاح الحياة الزوجية من نجاح العلاقة الجنسية

مشكلتي بتتلخص في اني خاطب من حوالي ٣ اشهر خطبت بنت زميلتي في الشغل واحنا نعرف بعض من ايام الجامعة اصلا بقالنا كذا سنة في حالة حب كبير جدا , لكن لما اتخطبنا رسمي وابتدى الكلام بينا يروح في غزل ومداعبات واللذي منه حسيت كدة انها من النوع اللي ملوش قوي في الحياة الجنسية .. بمعنى انها ممتنعة الى حد كبير انها تتكلم معايا في أمور تخص علاقتنا الخاصة بعد الجواز وانا بصراحة الجنس عندي شئ مهم جدا وعارف ان لو صحت العلاقة الجنسية بين الأزواج صحت بقية العلاقة دة غير انه في رأيي ان المشاكل نفسها ممكن تتحل في السرير عفوا في التعبير لكنها الحقيقة من وجهة نظري ومن هنا انا مستغرب لعدم إستجابة خطيبتي لاننا نتكلم في الموضوع دة واللي مخوفني اننا نطلع بعد الجواز غير متوفقين ولا متفقين في الأسلوب والميول بحيث انه بسببه يخلق بينا مشاكل وانا معنديش اي استعداد اني أواجه النوع دة من المشكلات خااااالص .. اعمل ايه واتعامل معاها ازاي ؟ وشكرا وآسف على الإطالة .. 

محمود صبحي

عادة يا أستاذ محمود بيبقى فيه مساحة حرية في الكلام بين الخطاب لكن ربما يكون الأسلوب اللي حضرتك حبيت تطمئن بيه على مستقبلك معاها كان محرج أو فيه شئ من التعدي على خجلها .. صحيح أن العلاقة الخاصة تصلح الكثير بين الأزواج لكن بحكم طبيعة البنت الشرقية هي تخجل من التحدث فيه من الأساس , أنصحك بإنك لا تمارس اي ضغطوط عليها .. هي في النهاية بتحبك وأكيد لما تتجوزوا هتحب ترضيك وموضوع العلاقة الخاصة بين الأزواج اللي بيديره الرجل وليس المرأة دة معناه انك ممكن توصلها رغبتك فيها والطريقة اللي بتميل ليها بكل سهولة .. وبخبرة الرجل وفطرته هو الوحيد اللي يقدر يدير العلاقة بشكل ناجح , مفيش داعي للقلق بشكل يفسد عليك لحظات حلوة بيتعيشها فترة الخطوبة وبعد الجواز ان شاء الله .. تمنياتي لك بكل الخير وزيجة موفقة يارب .