يسرا: حاولت الانتحار.. وأمى بـ 100 راجل

أكدت النجمة يسرا، أنها إنسانة متفائلة لأبعد الحدود، وتعشق السعادة والضحك، وتكره النكد بكافة أشكاله.

وأضافت خلال لقائها عبر برنامج "المتاهة" على قناة MBC مصر، أنها لا تخشى أن يقال عليها بأنها "تربية ست"، لكون والديها انفصلا فى طفولتها.

وأشارت قائلة: "فشر محدش يقدر يقول ان تربية ست، وامى بميت راجل، عملت فى حياتى ميزان، رغم انها كانت جامدة لكنها كانت صاحبتى ولا يمكن اخفى عنها أى شىء، أمى كانت بتضربنى بالبوكس فى عينى، وأتذكر أن فى مرة سقط فى ترم دراسى ودة ضايقنى جدا لأنه كنت تلميذة شاطرة، وفكرت فى الانتحار أموت نفسى زى الأفلام، ومش عايزة أقول لأمى انى سقط، فبلعت شوية حبوب، وامى اتخضيت على جدا، فدخلت الحمام كان فى اجزخانه صغيرة وعرفت الدواء اللى اخدت منه وفورا اتصلت بالدكتور، وأكد لها انى مش هموت لكن اثرة انى هنام، قفلت المكالمة مع الدكتور وسابتنى مكانى على الكنبة ثلاث ايام مسألتش فيه عشان تربينى واحرم اعمل كدة، وانا افتكرت وقتها انها مش بتحبنى".