بالصورة .. مصطفى فتحي يكشف حقيقة هروبه من الزمالك

كشف مصطفي فتحي لاعب فريق الزمالك حقيقة هروبه عن الزمالك وكذلك موقفه من الاحتراف الخارجي.

وكتب فتحي عبر “انستجرام” : ” كالعادة ومش جديد كل فترة يطلع صحفي بكلام علي أي لاعب في الفرقة علشان يعمل عليه شوشرة ويعمل مشاكل علشان يهد الإستقرار اللي احنا فيه، هقولك كلمة واحده بس انا نادي الزمالك اللي علمني وكل الفضل بعد ربنا للنادي وجمهوره طبعا مش هتعرف تخلي حد يكرهني لأني مش بتاع إعلام ومش بتكلم مع حد أصلا والناس كلها عارفه كده كويس وأي كلام في موضوع الإحتراف هيتم من خلال النادي غير كده أنا قاعد وعلي كلامي اللي قولته قبل كده كتير”.

وأضاف نجم الزمالك ” أنا مطلبتش أصلا تعديل عقدي دا مجرد تقدير بس من المجلس علي الموسم اللي فات،”.

وتابع” موضوع الهروب ده بقي اللي بتتكلم عليه عاوز تتشهر وخلاص انا ابن النادي وفي أي وقت وفي أي وقت 10 سنين مش حد هيكلمني في المجلس علشان تعديل عقد وزيادة ، هقولك حاجة كمان علشان محدش يتكلم، سنة هزود عقدي ال بعد كده يتجرأ ويتكلم كلمة علي نادي الزمالك أو لاعيب في نادي الزمالك أنا هرفع عليك قضية ومش هعديهالك لا انت واللي قالك تكتب كده، والناس كلها عارفه كويس اني ماليش في حوارات الميديا دي من الأساس ، ولا عندي تويتر ولا فيس، الحساب دا الوحيد اللي ليا علي الميديا”.