أحمد عز لـ"زينة": "مش هتكلم في أعراض" (فيديو)

قال الفنان أحمد عز عن خلافه مع الفنانة زينة، قائلًا: "كلامي مش هيتغير من هنا لحد ما أموت، ومعنديش قلق من القضية دي".


وأضاف عز، خلال مداخلة هاتفية ببرنامج "نص الليل" على قناة "كوريكت تي في": "ربنا عالم بالحقيقة، صورتي عند ربنا أهم من صورتي عند الناس، حتى لو هبطل تمثيل وهفتح كشك سجاير، أنا مش بهزر في الحاجات زي دي، الموضوع منتهي".


وتابع عز، تعليقه على خلافه مع زينة بشأن قضية نسب أولاده، قائلا: "حتى لو حاولتي تعملي ايه تكتبي أو تغلطي أو تأجري ناس تكتب، فربنا اللي مقدره هو اللي هيحصل، واللي عارفني عن قرب متأكدين إني معملش كده، وعارفين أنا مين ومتربي إزاي، ولكن سنُة الحياة كل ما يبقى فيه نجاح لازم يبقى فيه هجوم".



وأكد أنه "يرفض الخوض في أعراض من تحدثوا عنه بسوء"، مشيرًا: "للمرة المليون، مش ههزر مع ربنا مهما حصل، لو هفتح كشك سجاير ومش هتكلم في أعراض عشان عيب رجولتي تمنعني أتكلم في حاجة زي دي".