نقيب الصحفيين الأسبق لـ أسامة كمال: "أنت مش عارف قيمتي ومقعدني صنم"

وتبدأ الواقعة، حين أعرب مكرم محمد أحمد خلال حواره المذاع عبر فضائية "القاهرة والناس"، اليوم الجمعة، عن استياءه لعدم توجيه أسئله له فى البرنامج، مثل ضيفه الأخر أسامة هيكل.

ووجه مكرم حديثه لـ أسامة كمال: "انت مش بتسمع كلامي ليه ومش بتوجه ليه كلام ليا، انت عايز تسمع كلام نفسك بس؟!، ودي أول وأخر مرة هكون معاك، لأنك لا تدير الحوار بشكل متوازن، وانت عايز تركب موقفنا، وإحنا شبنا فى المهنة دي، ومش كل مرة تقاطع أسئلتى". 

وتابع: "أنت مش عارف قيمتى ومقعدنى صنم، ولولا الأدب كنت مشيت، صحيح هو كان وزير بس أنا كنت نقيب الصحفيين، وجايبنى ليه بدل مش عارف توزع الأسئلة، وترتني جامد، ولا أقبل اعتذارك، عيب أنا ليا تاريخ".

ورد أسامة كمال، مقدم البرنامج: "ليه كده يا أستاذ مكرم.. انت أستاذنا وسامع حضرتك وأنا أسف، وحقك عليا وبعتذرلك، أصالحك أزاي بس"، ثم أنتهى بالخروج لفاصل إعلاني.