بالصورة.. أحد محبي "شيكابالا" يسرق حسابه عبر "إنستجرام"
سرق أحد محبي نجم الزمالك محمود عبدالرازق شيكابالا الحساب الخاص به عبر موقع التواصل الاجتماعي "إنستجرام" وذلك لرغبة السارق في التقاط مع "شيكابالا".
وقال السارق الحساب : كابتن شيكابالا الاكونت بتاعك معايا والله أنا مخدتوش علشان أعمل حاجة وحشه بيه والله أنا أخدته علشان كنت عاوز اتصور معاك ورحتلك النادي كذا مرة وكنت انت مستعجل ومخلتنيش اتصور معاك".
وأضاف السارق: كنت بكلمك دايركت وكنت بتعمل سين ومبتردش مكنش قدامي حل غير كده، معلش على الطريقة بس أنا معملتش حاجة وحشه بالاكونت أنا بس مشكلتي أني اتصور معاك أو كنت رد على ع الدايركت على الأقل بايموشن كنت هفرح بيه بردة".
وتابع قائلا: أنت مش حاسس بجماهير الزمالك والتفاصيل البسيطة ديه بتفرح ناس كتير أووي وبيحبوك أكثر بس والله انا قصدي خير يا شيكا.. ومتزعلش الاكونت هيرجعلك بس منتساش الصورة.
واختتم قائلا: بنحبك يا اباتشي.
