أيمن بهجت قمر يوجهه رسالة لـ"السيسي" بشأن تبرع الشعب للدولة
وجهه الشاعر والسناريست أيمن بهجت قمر، رسالة خاصة للرئيس عبد الفتاح السيسي، بشأن ما وجهه للشعب فى خطابه أمس عن تبرع المصريين بفكة مرتباتهم للدولة.
وكتب أيمن، عبر حسابه الشخصى بموقع التواصل الإجتماعي "فيسبوك" قائلا:"كلاكيت تاني مره.. يا سيادة الرئيس ليه تطلب من الشعب يتبرع وانت ممكن تطلع كل لحظه وكل ثانيه فلوس من المصنفات الفنيه المعروضه على الشاشات الخاصه والأماكن العامه من الأغاني والأفلام والمسلسلات ودول ملايين الأعمال اللي احنا مش فالحين غير فيها المؤلف والشاعر والمخرج والملحن والموزع والممثل والمطرب والعازف والمهندس والمنتج وكل عناصر العمل".
وتابع أيمن، رسالته قائلا:"الناس تاخد حقوقها والبلد تاخد حقوقها.. والله العظيم دي دوره ماليه عظيمه محدش داري بيها ومش هتحمل على المواطن حاجه ولا على الحكومه.. يا اخوانا حد يقولهم أد ايه المشروع اللي عرضناه عليهم هيفرق مع الكل وعلى فكره مش على المبدعين بس..ذيع والحسابه بتحسب".
