شيرين رضا: "انفصلت مرتين ومش عايزة أجرب تالت مرة"

كشفت الفنانة شيرين رضا، أنها لا تبحث عن حب او زواج، حيث قالت: "عمر الراجل ما كان امان بالنسبة لى، وانا اطلقت مرتين وعندى 26 سنة، كنت صغيرة اوى، ومعنديش استعداد اجرب لثالث مرة، الا لو كان شخص كامل صعب يترفض ومفيش حد كامل".

وأضافت خلال لقائها فى برنامج "الستات ميعرفش يكدبوا" على قناة CBC قائلة: "لما اطلقت لتانى مرة، قولت خلاص مش عايزة اجرب ولكن عايزة اعيش حياتى، عايزة اعيش لـ شيرين، لو كنت بدور على زوج تالت مكنتش بنتى هتطلع سوية وخصوصا انى قررت اتفرغ لها والاهتمام بها".