سماح أنور ترد على الساخرين منها عبر مواقع التواصل الاجتماعي (صورة)

أعربت الفنان سماح أنور، عن غضبها من حملة السخرية التي طالتها عبر صفحات مواقع التواصل الاجتماعي، بسبب مطالبتها بالغاء الدغم لأن الشعب المصري لن يستحق ذلك.

وقالت "أنور" على صفحتها على موقع التواصل الاجتماعي فيس بوك": "شغل الكتايب الإلكترونية الله ينور، وده مثال صغير من بحر الحرب الدايرة علي أنا بالتحديد من 2011 ودي بقى لغتهم هم وطريقتهم هم، ولا نسيتوا طظ في مصر؟؟؟ مافيش رقى ولا إبداع ولازم طبعا الكدب والتدليس والنصب وقلب الحقايق.. إلخ وأنا طبعا هدفهم من زمان، وأنا وهم وإنتوا عارفين لأن الشخص المشهور، النجم، الناجح، المؤثر، المختلف بعلم، خصوصا لو مثقف أو فاهم التيتة أصلا كمان ده بقى لازم يموت حتى لو مامتش". 

وأضافت: "حاربوه حتى الموت في سمعته في أكل عيشه في ولاده المهم احرقوه بجاز وسخ واضربوه بالنووي (علشان ده برضه كلامهم اللي وهموكوا إني قلته وإنتوا صدقتوهم برضه!!!! واللي مش مصدق يرجع للفيديوهات).. طيب ليه كل ده.. لاحسن حد يتأثر بكلام أي حد مؤثر ومحبوب أو يقتنع لا سمح الله برأيه وخصوصا لو كان في أفكار في مصلحة الوطن ده بقي يبقى نهاره إسود.. الفنانين من زمان كانوا هم الهدف الأول.. وعلى مدى أكثر من 35 سنة.. من بداية السبعينات والفنانين بقوا هدف للتشهير والتكسير والحقد والكره وزرع الأسافين والتفرقة بين الفنان والناس اللي "كانت بتحبه" وبقت العلاقة غريبة جدا.. يبقى عايز يتصور معاك ويضربك في نفس ذات اللحظة.. شايفك عبقري بس ماتستاهلش.. الاتنين مع بعض". 

واختتمت قائلة: "اللهم توب علينا من هذا الهم الكبير التقيل.. وشيل عننا جهنم الجهل والسواد اللي مرروا طعم حياتنا كووووولنا".