اختلاف أراء أولياء الأمور حول "بوكليت" الثانوية العامة الجديد

طلاب وجامعات

طلاب الثانوية العامة
طلاب الثانوية العامة - أرشيفية


إختلفت أراء أولياء الأمور عن نظام "البوكليت" الجديد للثانوية العامة، والذى يتضمن دمج ورقتى الاجابة والأسئلة وجعل الاسئلة جميعها إختيار من متعدد وصح وخطأ "إجبارى".
 
قالت مها أحمد ولية أمر:" البوكليت كويس جدا بس المهم الامتحان يبقى منه ومفيش داعى للتحوير واللف والدوران فى الاسئلة"، وأضافت سهيلة محمود أن البوكلت فكرة جيدة وتبعد كل البعد عن الحشو فى المناهج والاسئلة التى تحتاج الى "الدش".
بينما قالت هدى أحمد أحد أولياء الأمور أيضا :"علي فكرة الامتحانات اللي زي دي بتكون صعبه ومش سهله اللي مذاكر كويس هايحل انا جربت النظام دا في كليتي لكنه طريقه حلوة انا عن نفسي حباها لاني مابحبش الكلام الكتير والمقالات ".
 
بينما أعترض البعض الأخر مؤكدين أن هذا النظام سوف يعمل على إضاعة الفرص بين الطلاب حيث قالت ولية أمر :" يبقى كله اجبارى كده كتيير وحررام الفرص هضيع من اولادنا فى الامتحان"
 
وقالت هبة محمد :" اعتقد كويس بس مينفعش يبقى مكان الاجابة واحد لازم يتوفر مكان خصوصا للمواد الرياضية ممكن الطالب يحل ويكتشف انه ماشي غلط يحب يعيد واللي فهمته عن كل سؤال ليه مكان واحد مخصص للاجابة وكمان فكرة ان كل البوكليت اجباري دي حاجة صعبة شوية يعني لما بيبقى فيه اختياري الموضوع بيبقى اخف على الطالب وكمان يا ريت ينزلوا نماذج كتير قبل الامتحان علشان نبدا ندرب عليها"