الشاعر فادي قديس يكتب قصيدة: سهران
سهران ترازي الليل ويرازي بالذكري فيك
حزن الدنيا كله صبح الليله مصطفيك
مين مات ومين عاش وايه جواك متحاش
وعمر بحاله جراح لعشق راح ولا جاش
واديها دايره تلف تزود كاسات السكاري
واديها دايره بتعصر قلوب عشقت عذاري
واديها بتزق العقارب تزود دقايق تضايق
ومنين وياها يصبح الحلم ضمن الحقايق
واديني داير حاير جوه حواديت الدواير
لاعمري كنت طامع ولاعمري كنت جاير
بطلع همي نفخ جوه دخان السجاير
دماغي تروق شويه لكن نفسي بيضيق
انا الموت المعاش فعلا بحق وحقيق
واديني ياحبيبتي عايش بدادي يومي
لاعمري يوم حكيتلك او شكيتلك عن همومي
وانا غصب عني عشقتك العشق ده مرض
انا بس عايزك انتي انتي الهدف والغرض
كل الهموم تهون لو عشقك راح يدوم
كل الحياه تهون لو ضيك غاب ف يوم
