أول تعليق لـ زينة بعد إعلان براءة أحمد عز
علقت الفنانة زينة، على حكم براءة الفنان أحمد عز، فى قضية
السب والقذف، التى أقامتها ضده منذ عدة أشهر، فكتبت عبر حسابها الرسمي على موقع
الصور العالمي "انستجرام"، "معلش بقى أنا مكنتش ناوية أعلق بس بصراحة
كدبك اللى مالوش نهاية بيستفزني جدًا.. أولا مبروك براءتك من قضية السب والقذف فى حقي
ولو إن مبروك من تهمة دي مش حاجه تشرف أوي.. يعنى أنت ما أخدتش جائزة نوبل!! وكده كده
مكنتش هاسيبك تتسجن علشان ولادك ما يبقاش أبوهم رد سجون".
وأضافت "زينة"، "ارجع بقى من لندن اللي أنت
مستخبي فيها.. متخافش مش دي صورتك هناك.. أما بقى لو جبت سيرة ولادك وقضية النسب دي
تاني هيكون ليا تصرف تاني معاك وبالقانون لأن القضية دي اتقفلت لآخر يوم فى عمرك..
بطل كدب وبطل تضحك علي الناس لأن الناس مش هبلة وخلاص اتلهي فى شغلك ومعجباتك اللى
تعرفهم معرفة شخصية من قلتهم .. وكفاية بقى فيلم محترم ده علشان محدش بيصدقه غيرك".
وتابعت: "الناس عرفت حقيقتك وياريت تبطل تستغبى الناس
.. والأهم من ده كله لو كان تم الحكم عليك كنت هاحس إن ربنا بيحبك وبيكفر عنك في الدنيا..
لكن الحمد لله حتى يبلغ الحمد منتهاه حسابك عند رب العالمين شايلهولك كله فى الآخرة
ومفيش أعظم من حساب ربنا.. وابقى روح لربنا قوله أقسم بالله".
