أحمد شوبير يكتب: لدغات

الفجر الرياضي





■ كوبر يوم الامتحان يكرم المرء أو يهان واضح أن أمك دعيالك أصلا مفيش امتحان أنت داخل مباشرة على البكالوريوس.

■ محمد صلاح يبدو أن النجاح معك لا يأتى إلا متأخرا شكلك مستنى تونس أو السنغال أو حتى غانا من جديد.

■ محمد الننى غريب أمركم أيها المصريون ألعب فى الأرسنال ولا يعجبكم يعنى عايزين ألعب فين عشان تقتنعوا بلعبى شكلكم نفسكم ألعب فى الأهلى.

■ عمر جابر حسرة يا زمن لما كنت فى الزمالك كنت أساسيا فى المنتخب ولما احترفت فى أوروبا حتى يا ربى مش لاقى دقيقة واحدة.

■ أحمد حسن كوكا.. طب أعمل إيه أكثر من أهداف وتألق فى براغا فى البرتغال أموت نفسى يعنى واللا اللعب للزمالك لأضمن مكانا فى المنتخب.

عمرو وردة.. انتقلت لباوك أكبر الأندية اليونانية وبدلا من الإشادة والترحاب هجوم وبهدلة ومش عارف أعمل إيه حرام عليكم والله كل اليونان بتقول علىَّ أحلى كلام.

■ أحمد المحمدى.. أرقامى القياسية فى الدورى الإنجليزى لم تشفع لى للعب مع منتخب مصر بالذمة ده كلام يعنى لازم ألعب فى الأهلى عشان أكون أساسيا فى المنتخب.

■ أحمد الشناوى.. المؤمن مصاب زى حالاتى بالضبط يدوب جيت أفرح خدها الحضرى وطار.. آه منك يا حضرى.

■ شريف إكرامى.. تيجى منك أنت يا ناجى يعنى كانت ناقصة أنك تتهمنى بالهروب.. بصراجة يا أنا أمشى من المنتخب يا أنت تمشى أو شكلنا احنا الاثنين حنمشى.