مشادة كلامية على الهواء بين رئيس شعبة المستوردين ونائب وزير الزراعة.. والأخيرة: "هاقاضيك"

نشبت مشادة كلامية على الهواء بين أحمد شيحة، رئيس شعبة المستوردين بالغرف التجارية، والدكتورة منى محرز علي حسنين نائب وزير الزراعة لشؤون الثروة الحيوانية والسمكية والداجنة، بسبب حديثها عن توريد 500 طن أوراك دواجن بـ11 جنيها للكيلو، و20 جنيها للدواجن، لوزارة التموين.

وعقب "شيحة"، خلال حواره ببرنامج "الشارع المصري" عبر فضائية "الحدث اليوم"، "خلوا كلامكم مضبوط ومحدد، إنتوا وردتوا قد إيه.. 500 طن من 20 ألف طن، ده ولا حاجة.. إنتوا عارفين الاستهلاك الشهري كام"، مما دفع "محرز" للتدخل قائلة: "طيب اتبرعوا إنتوا بأى حاجة للدولة"، فعقب "شيحة"،: "اتبرعوا إنتوا ياللي كسبانين.. الفلوس اللي بتحولوها بره مش مكسب يا مجموعة المحتكرين"، فعقبت "محرز": "كده عيب"، فرد "شيحة": "عيب إنك تكذبي وتغالطي وتقولي كلام مش مضبوط"، فردت: "أنا هاقاضيك على كده".