محمد رجب يكتب: فيــــــــــلم ســيما !
اعزمها علي فيلم سيما
وسيبلها الإختيار
بس لو جاتلك وقالت
فيلم اكشن
فانت من غير أي قفشاً
دي علاقة مؤقته
حبوا بعض بعنف جداً
سيبوا بعض بعنف جداً
قبل ما يعدي الشتا
اسهروا للفجر جداً
ديك بيدن
ديك أبوها
ام ديك أبوك
فالعلاقة وبالأدلة
إنت خليتها مملة
وإنت عارف هي عايز
حب جارف
وإنت عايز حب كارف
غالباً لحاجات مخلة
أما لو قالت رومانسي
هي مش محتاجة منك
أي حاجة
هي عايزة ذكريات
وإنت لازم تبقي غير كل اللي فات
عندها فوبيا التلات
هي عايزة رقص تانجو
أمَ إنت
فأنت عايز شوب مانجو
صعب يا أبني إن انت تنجو
من كل بوستاتها العبيطة
قلبها كان هش لين
وإنت قلبك مش مبين
إنت قاسي مثل حيطة
وبرضه خاين
مثلما كل الرجال
ولو قالتلك
إنت عايز فيلم إيه
احترس قبل الإجابة
دي يا ابني م الديابة
إنتقائية وكئيبة
وكل إجاباتك غلط
بص إقولك
البنات زي القمار
إنت تلغي الفكرة خالص
و تيجي نلعب جولبهار !
