شقيقة أحمد الخطيب تروي تفاصيل صادمة عن مرضه الخطير داخل السجن

قالت شقيقة السجين أحمد الخطيب، إنه "شبه مخطوف من أول أمس"، مطالبة بالإفراج عنه طبقًا للمادة 36 من لائحة السجون.

وكتبت "فاطمة"، في تدوينه على حسابها بموقع التواصل الاجتماعي "فيسبوك"، "أحمد الخطيب شبه مخطوف من أول امبارح.. مفيش أي معلومات عنه وأهله اتمنعوا من زيارته وممنوعين أنهم يتواصلوا مع الدكاترة بتوعه".

وأضافت: "لحد دلوقتي محدش يعرف خطة العلاج بتاعة أحمد ولا الدواء اللي هيحتاجه وغالبًا باللي بيحصل ده هما ناقلينه عشان خايفين على نفسهم من المرض مش أكتر ومش ناويين يعالجوه".

وتابعت: "أحمد حالته متأخرة جدًا وظهر عليه كل مضاعفات المرض من تضخم للكبد والطحال وبقى ما عندوش مناعة ورغم كل ده مكلبشين إيده برغم وجود حراسة وطالما مش قادرين يعالجوه وبيتعمدوا يأذوه بالشكل ده في مرضه يبقى يخرجوه وهنسفره برا يتعالج كويس يمكن يتلحق".

وواصلت: "إحنا بنطالب بالإفراج الفوري عن أحمد طبقًا للمادة 36 من لائحة السجون، التي تقول (كل محكوم عليه يتبين لطبيب أنه مصاب بمرض يهدد حياته بالخطر، أو يعجزه عجزًا كليًا يُعرض أمره على مدير القسم الطبي للسجون لفحصه بالاشتراك مع الطبيب الشرعي للنظر في الإفراج عنه)".