ADVERTISEMENT
ADVERTISEMENT
menuالرئيسية

بكلمة .. قلبي بقي ميت حتة

الإثنين 10/أبريل/2017 - 05:02 م
بكلمة .. قلبي بقي ميت حتة
مشاكل زوجية - أرشيفية
 
السلام عليكم .. ازيك استاذة نيفين واحشاني جدا يارب تكوني بخير،
هبدا مشكلتي بدون مقدمات .. انا زوجة من ١٥ سنة تعبت مع جوزي وكافحت معاه زي اي زوجة من الجيل دة علشان يقف علي رجليه ونعمل لاولادنا حاجة يتشرفوا بيها والحمد لله حصل وعمري ما اضايقت في بداية حياتنا من ضيق الحال في بداية زواجنا لان جوزي زيه زي اي شاب كان علي قده واهله من اسره بسيطة ووالده مكنش قادر يساعده لانه كان موظف عادي وجوزي وقتها كان لسة متوظف جديد وانا شجعته باني هقف جنبه والقصة التقليدية اللي معظم جيلي من البنات قاموا بيها في بداية حياتهم .. المهم .. انا مش هنكر انا حبيته ودلوقتي هوة ابو اولادي لكن لما القرش يجري في ايده ونبقي زي الفل ويلاقي اولاده كمان زي الفل ده مش ببلاش ده بمجهودي معاه وتشجيعي ليه طول السنين اللي فاتت ولا ايه ؟ ولا العيال كبروا لواحدهم شيطاني ؟ .. المهم .. فجاة حسيت البيه يوم بعد يوم اخلاقه وعاداته بتتغير وبقي مش طايق تصرفاتي ومش عاجبه كمان اكلي اللي زمان كانت تسلم ايدية عليه انما انهاردة بقي كخ ووحش .. وذوقي في اللبس بقي بلدي حتي واحد من العيال بقي يضايقو بالكلام ودايما يقوله اصل انت شبه امك بالذمه ده كلام اب يقوله لابنه ومن امتي الابن بيتعاير انه شبه امه وهوة ذنبه ايه اصلا لدرجة ان الولد بقي يضايق لما يشوف ابوه جدا .. وطبعا بقينا نشوفه في البيت بالصدفة لما يحن علينا او لما يكون فيه ظرف اضطراري زي زياره اهله لينا انما غير كدة بقينا مش من ضمن اهتماماته ولا اولوياته ولما اكلمه انه اتغير كتير يستهبل ويقول لي فين ده مين ؟ !! انا .. اخر استهبال اكني بكلم حد تاني .. بقي كمان مهمل في الاهتمام بامور الاولاد ولا بقي فارق معاه اصلا .. فضل بالمنظر دة مستهبل لغاية ما لقيته داخل عليه في يوم بيقولي عايزك في كلمتين تعالي اوضتنا .. دخلت وراه .. فضل باصصلي شوية وفجاه سمعت منه اللي عمري ما كنت اصدقه .. قالي الاتي .. احنا كان بينا عيش وملح ومقدرش انكر انك كنتي زوجة ممتازة وام هايلة لكن لكل واحد ظروف بيمر بيها بتجبره احيانا علي تصرفات ممكن تزعل اللي حواليه منه وانا واحد من ضمن الناس دي وياريت تقبلي اللي هبلغك بيه من غير ماتوجعي دماغي بليه وعشان ايه وانا عملت ايه وكلام الستات دة .. يا فلانه .. احنا لازم نطلق .. انتي طالق .. انهرت من العياط في ثانية لانه كمان حرمني من حق اني اعرف السبب وحرمني من حقي في الاحتفاظ بالاستقرار في حياتي وحرمني من الاحساس بالانسانية .. ظلمني وجه عليه قوي .. حسبي الله ونعم الوكيل .. ده انا بشهادة منه اني زوجة وام كويسة طيب ليه كدة ليه الظلم والافتري دة .. هوة ينفع بعد العشرة دي وفجاة كدة حد ييجي يستغني عن التاني بدون اسباب وملوش الحق كمان يفتح بقه بكلمه ؟ .. فيه كدة معقول .. طيب المفروض اتصرف ازاي .. المفروض احس بايه واعمل ايه .. انا بكتبلك يا استاذة نيفين اقسم بالله وقلبي بيتحرق ويتقطع ميت حتة .. عقلي هيشت .. بلف حوالين نفسي من الصدمة دة احنا حتي مكناش زي بقيت الازواج بنتخانق كل شوية اقول يمكن اكون ست نكدية ويبقي في الحالة دي عنده حق .. انما فجاة .. كل حاجة فجاه دة حرام والله حرام .. يا استاذة بالله عليكي تقوليلي اتصرف ازاي احسن هتجنن اكيد بالمنظر دة وشكرا ليكي واسفة اني طولت عليكي .
م.ه

فضفضة
محررة الصفحة .. نيفين حجازي
سيدتي الفاضلة .. اعتذر لك عن الموقف الذي تتعرضين له .. لكن الحقيقة لا يفعل رجل ما فعله زوجك الا في حال ان ظهرت امراة اخري في حياته والله اعلم ، خاصة في عدم وجود خلافات كما ذكرتي .. كل ما اريدك ان تتحلي به الثبات والصبر وان تشكيه رب العباد وتفوضي امرك الي الله .. ستدور الايام والذي دفع زوجك الي التحول المفاجي هو نفسه سيدفعه لان يعرف قيمتك مرة اخري وسيعود ليعتذر وحينها انتي التي ستقررين العودة او اللاعودة .. استكيني ودعيه ياخذ الدرس لنهايته وشاهدي انتي من بعيد .. وعيشي يومك بكل التفاصيل التي تحبين ان تعيشيها كما هو فعل .. تبادلي الزيارات ولا تتقوقعي وابتعدي عن التفكير الكثير اعرف انه ليس من السهل في البدايه لكنه ليس مستحيل هذا لصالحك .. اذهبي مع صديقات الطفولة للاماكن المفضلة الي قلبك ابتعدي تماما عن استرجاع الذكريات ولا تندمي علي ما قدمتيه في سنوات عمرك فقد قدمتي لاولادك ونفسك . صديقتي الغالية .. اسمعي نصيحتي .. تصرفي كما لو كنتي في عمر سنوات الجامعة بنفس الحماس وبنفس الحب والاقبال علي الحياة حتي وان كنتي غير متقبلة ذلك في البداية .. مع التكرار ستجدين الامور في تحسن بشكل واضح .. تسوقي الملابس التي تفضلينها اذهبي الي السينما احرصي علي مقابلة الاقارب التي افتقدتي زيارتهم منذ فترة بعيدة وهكذا .. واظبي علي اشغال نفسك في كل ما هو ترفيهي ومنعش وجميل وكلما راودتك فكرة سلبية اطرديها بثلاث افكار ايجابية وستشاهدين الفرق.
[email protected]
تعليقات Facebook تعليقات بوابة الفجر

مصطبة
هل تؤيد تغليظ عقوبة المتورطين فى الإتجار بالأغذية الفاسدة؟
كأس القارات 2017
البرتغال
x
20:00
تشيلي



خدمات
اسعار العملات
  • دولار

    18.07 ج.م

  • يورو

    20.5579 ج.م

  • ر.س

    4.8184 ج.م

  • د.ا

    2.367 ج.م

  • د.ك

    59.637 ج.م

اوقات الصلاة
  • فجر

    3:10 ص

  • ظهر

    11:58 ص

  • عصر

    3:34 م

  • مغرب

    7:00 م

  • عشاء

    8:34 م

الطقس