محمد صبحى: لو كان طعامنا بأيدينا سيكون قرارنا من راسنا

أكد الفنان محمد صبحى، أن لو كان طعامنا بأيدينا وكلمتنا فى عقلنا كان القرار سيصبح من رأسنا، مشيرا الى ان هذا الامر لم يحدث.


وأضاف خلال لقائه فى برنامج "حقائق وأسرار"، على قناة "صدى البلد" قائلا: "لقمتنا مش فى ايدينا والكلمه دى بوجهها لشعبى وناسى، لو اللقمه فى ايدينا هتبقى الكلمه من دماغنا، الشعب اللى يعتبر نفسه فى معركة لكى يكون مواطن ذو قيمه مضافة هيرفع وطنه بسهولة ويخف العبء من على كل الناس، احنا عندنا اخطاء كتيرة واللى دفعته مصر من اول 25 يناير لغايت انهارة كان يخلى المواطن المصرى اغنى مواطن فى المنطقة العربية كلها".


وتابع: "لو حسبنا كمية العربيات اللى اتحرقت والارصفة اللى اتكسرت وعربيات الاسعاف اللى ادمرت والمبانى والاقسام والسجون اللى اتكسرت، واللى اتقتلوا من شباب الثورة، بالاضافة للشباب اللى مكنوش من شباب الثورة واتحسبوا عليها وقدمت الدولة مكافآت ومعاشات لهم، وكم المواقف الاحتجاجية عشان العمال ترتفع مرتباتهم كل دة عبىء اللى حصل فى مصر ولازم نعترف به، لان مفيش حاجة مقدسة ومقدرش اقدس 25 يناير و30 يونيو ومصر بتروح".