"القرموطي" عن ضبط صاحب مطعم يبيع لحم حمير: "لو مكان الدولة كنت خليته ينهق"

قال الإعلامي جابر القرموطي، إنه شهد القبض على صاحب مطعم شهير جدًا، يبدأ اسمه بحرف "س"، يبيع لحوم حمير بالجيزة.

وتابع "القرموطي"، خلال تقديمه برنامج "آخر النهار"، المذاع على فضائية "النهار وان"، مساء الأحد:" أنا لو مكان الدولة كنت خليت صاحب المطعم ينهق، فيه إيه ده طبق الملوخية بيتباع بسعر عالي جدًا، إنت مش عجبك لحم البهائم عشان تبيع لحم حمير".

وأوضح: "إنتوا بتكسبوا بلاوي، الواحد بيروح يقعد مع مراته بيدفع 500 جنيه، إنتوا بتجيبو الحمير دي منين، أنا عارف إنك هتدخل السجن وهترجع تاني، وربنا لو لم يتم عقابك وخرجت منها هتكلنا لحم كلاب على إنها فخدة رومي".