أحمد شوبير يكتب: مكسرات رمضان

الفجر الرياضي



- كل عام وأنتم بخير بمناسبة ارتفاع أسعار المكسرات وقررنا أن نقدم لكم مكسرات رمضان مجاناً وفوقها بوسة .

- انتخابات الاهلى.. واضح إن الضرب تحت الحزام سيكون هو العنوان.

- انتخابات اتحاد الكرة.. عمل الرعاية 5 سنين لأنها هتجيب فلوس كتير وبعدين خدوا الفلوس وهيبنوا بها المقر الجديد للاتحاد.. زغردي يالى أنت مش غرمانة.

- الزمالك.. انتخابات على الورق والرئيس ضامن الفوز والجنرال يراهن على الوقت.

- الإسماعيلى.. البناء يحتاج سنوات والهدد فى لحظات.. إما العثمانيين والبناء وإما الهدد والانهيار.

- المحلة.. واضح أن هناك إصرارا من البعض على عودة الفساد وطول ما احنا موجودين لا خير الله ولا أمثاله هيرجعوا تانى.

- عمنا كوبر محتار يلعب بطولة عربية ولا لأ، يلعب سوبر امتى، يخلص الدورى إمتى، يخلص الكاس إمتى.. مشربتش من نيلها؟ ده حتى النيل امام اتحاد الكرة.

- هانى أبوريدة.. انتخابات الاتحاد خلصت، انتخابات عربية خلصت، انتخابات الفيفا خلصت ولسه الحال كما هو عليه.. طيب نعمل انتخابات فين تانى؟

- الخطيب.. أحسن لاعب فى تاريخ مصر ماشى، محبوب وشعبية كبيرة ماشى.. بس الانتخابات شكل تانى.

- محمود طاهر.. أصبح لك أرضية وشعبية لا يستهان بها.. الأيام القادمة حاسمة.

- المصرى.. ابداً مش المصرى بتاع كل سنة، ضمن البقاء، بينافس على الكأس، شكل وطعم ولون، ده المصرى الجديد.

- الاتحاد السكندرى من غير «مكيدة» أنتم فى الأمان ومع ماكيدا أنتم فى الامان اكثر، وإسكندرية تستاهل اكتر واكتر.

- طنطا.. مدد يا شيخ العرب يا سيد وطنطا نفسها تعيد، وعيد طنطا إنهم يفضلوا فى الممتاز.

- خالد عبد العزيز.. كل سنة وأنت طيب من القلب بجد.