المخرج أحمد خالد: فريق عمل "الحصان الأسود" الأفضل في رمضان

حرص المخرج أحمد خالد، علي دعم فريق عمل مسلسله "الحصان الأسود" قبل عرض اولي حلقات العمل بساعات، وحرص علي توجيه الشكر للنجم احمد السقا، ومدير اعماله محمد حسن، وجميع فريق عمل المسلسل.

حيث كتب "خالد" عبر "فيسبوك": "‎المسلسل الناس هتشوفه إزاي..بالنسبالى الموضوع منتهى من دلوقتي..أن كرو الحصان الأسود أنا شايفهم أحسن كرو فى رمضان من أول المنتج الكبير أستاذ صادق ما بعتلى ودعمه ليا من اول لحظه وبعدين لما بدأنا نشتغل مع المحترم أستاذ أشرف الملاخ..وحبيبى أنور الصباح..و أبتدى الموهوب محمد سليمان عبد المالك يكتب وحقيقى بجد عمل حاجه احسن من كتير حتى من طموحى".

وأضاف قائلا: "ولما قعدت مع النجم أحمد السَّقا وإبتدينا نقرا وإزاى استحمل السنه دى..الإجهاد فى الفيلم والمسلسل مع واحد تقريباً بيبدأ اللعبه مع انه مقفل اللعبه ومقابل الوحش حوالى عشر مرات..بس تركيزه و خوفه علي شغله يخليك تفهم هو ليه واصل للمرحله دي..و"زيزو" إللى عامل صوره السنه دى متفوق فيها حتى على نفسه مهما قولت ده زيزو يعنى بجد عامل مجهود عظيم هو و شريف جلال و علي عسر و صاوي..ونادية أحسن مهندسة ديكور بجد إشتغلت معاها من ساعة مابقيت مخرج وكانت اد رهاني عليها ".

وتابع كلامه قائلا: "وتامر حمزة المخرج المنفذ أو نقدر نقول المخرج الزميل قريبا والشاطرين أوى أبوغزاله، وإسلام يسرى، ومى عبد الحفيظ، والأكتر إحترافاً راندا يسرى، وكمان مستقبل الشغلانه دينا حسام وخلود حسن، وأشرف عبد المعبود وخالد حسن اللى تقريباً أكتر حاجه بتقوى فى الشغلانه إنى أطمع وأحلم، وفعلاً إنتوا أكبر ضهر وسند إنتوا وراضى، ومصطفى، ومجدى توفيق، ونهاد، وأحمد عبدالرحمن، وأندرو، وأحمد عبدالله".