ADVERTISEMENT
ads
ADVERTISEMENT
ads
menuالرئيسية

سعداء ولكن

الأحد 18/يونيو/2017 - 03:24 م
سعداء ولكن
سعداء ولكن
 
مساء الخير استاذة نيفين ارجوكي محتاجة ردك بسرعة انا في أزمة .. انا زوجة لراجل بحبه جدا بقالنا سنتين متجوزين والحمد لله علي غير عادة الازواج مفيش بينا مشاكل لكن كان فيه حاجة واحدة بس كان بينبهني منها وانا ما كنتش مصدقاه لانها تخص اخوه وهية انه لما اخوه يبقي موجود عندنا البس حشمة شوية واختصر معاه الكلام .. بالنسبة للبسي نقول ماشي مع انه عادي بس ماشي نعديها انما اختصر معاه الكلام ازاي وهوة ضيفي في بيتي ؟ كان صعب جدا ارضي جوزي طول الوقت خصوصا ان اخوه بدأ يجيلنا بدون إستئذان كتير معرفش ليه ودي حاجة بقت غير انها بتضايق جوزي هية كمان بتضايقني .. المهم .. انا في الاول كنت مستغربة من جوزي انه بينبهني من اخوه لانه اخوه واعتبرت دي غيرة زيادة من جوزي علية وطبعا لايمكن كان يخطر علي بالي اكتر من كدة .. فاتت الايام واخوه جالنا قعد معانا لغاية اخر السهرة وإتفاجئت انه بيقول لجوزي معلش انا هبيت معاكم انهاردة عشان عندي معاد مهم جنب البيت عندكم بدري وطبعا بصيت لوش جوزي لقيته اتقلب ١٨٠ درجة لكن احرج يقوله لا فقاله انت تنورنا .. قمت طبعا جهزتله الأوضة التانية وجبتله بيجاما من عند جوزي يلبسها وجيت احطله بشكير وشبشب في الأوضة دي لقيته جاي من ورايا وحط ايده علي وسطي انا في الاول افتكرته جوزي فكان رد فعلي بطئ .. ولما افتكرته جوزي بقوله حبيبي مش وقته اخوك هنا عيب يشوفنا كدة وحصلت المصيبة لما لقيته مش جوزي ولقيت صوت تاني اللي بيرد علية المصيبة اول ما لاحظت كدة صرخت بصوت جوزي سمعه و في ثانية كان جوة الأوضة معانة ولقي اخوه علي مسافة قريبة جدا مني مبقاش مستوعب الموقف لكن دخل في حالة من الغضب اول مرة اشوف جوزي عليها .. كل اللي قاله كلمتين الاولي لاخوه قاله امشي اطلع برة البيت حالا وخرج فعلا برة البيت وقالي انا قدامك يومين تبلغي فيهم اهلك انك هتطلقي واختاري الاسباب اللي ممكن تقوليها زي مانتي عايزة .. وسابني وطلع الصالة فضل قاعد فيها للصبح وهوة بيغلي .. حاولت اكلمه تاني يوم معرفتش ابدا ولا كان بيحاول يبصلي من اصله مش عارفة اتصرف ازاي ارجوكي وارجو السادة قراء فضفضة يتفضلوا بالرد علي رسالتي وبسرعة ارجوكم وشكرا جزيلا


فضفضة
محررة الصفحة .. نيفين حجازي
أقترح عليك ان تذهبي لبيت أسرتك بشكل مؤقت وان تحكي لوالدك او ولي امرك علي ما حدث تفصيليا ويذهب هو الي زوجك ليعيد عليه الامر من زاوية أخري وهي انه من الواضح ان اخو زوجك لديه مشكلة من البداية وزوجك يعلمها جيدا بدليل تنبيهاته الدائمة عليكي بالتحفظ اثناء وجودة اذن لايجوز في كل الاحوال ان تصبحي المتهمة الأولي .. هناك مايخفي عليك بين زوجك واخيه .. وان كان اخاه يشوب اخلاقه شائبة لماذا من البداية سمح له بالدخول الي البيت وكان يمكن لزوجك ان يواجه الموقف بشكل واضح بينه وبين اخيه بدلا من اتهامك .. كان يمكنه حل ازمته مع اخيه باي شكل ماعدا انه يضعك في هذا الموقف وهو يعلم عنه ما يخيفه علي اهل بيته .. اصحيح كلامي ؟ من البداية لماذا يعرضك زوجك لموقف يأتي ليصرخ منه اليوم ؟ عموما اهدأي واتركي كبير عائلتك او كما قلت لك ولي امرك يتحدث رجل لرجل في هذا الامر .. واقول لك هذا لان زوجك من البداية لم يتصرف بشكل صحيح وعندما وقع ما كان يخشاه رمي جزء من المسؤولية علي عاتقك وربما اذا دخلتي معه في نقاش وجدتي نفسك امام تهم اكثر واكبر ولاجنبك كل هذا وكي لا نوقعه في الخطأ وكي لا تصدمي في طريقة تفكير زوجك اقول لك دعي الامر في يد ولي امرك وعندما تظهر الحقيقة وتوضح الامور خاصة ما يخفيه عن اخيه لك كامل الحرية ان تذهبي للحديث مع زوجك او ان تفعلي كما يقول لك ولي امرك .

للتواصل مع محررة الصفحة أضغط هنـــــــــــا
تعليقات Facebook تعليقات بوابة الفجر

مصطبة
هل توافق على اتفاقية ترسيم الحدود بين مصر والسعودية ؟
دوري أبطال أفريقيا
إتحاد الجزائر - الجزائر
2
x
00:00
0
الزمالك - مصر
كأس القارات 2017
الكاميرون
-
x
17:00
-
أستراليا
ألمانيا
-
x
20:00
-
تشيلي
الدوري المصري الممتاز
طلائع الجيش
-
x
22:00
-
مصر المقاصة
أسوان
-
x
22:00
-
الإسماعيلي



خدمات
اسعار العملات
  • دولار

    18.07 ج.م

  • يورو

    20.2351 ج.م

  • ر.س

    4.8183 ج.م

  • د.ا

    2.367 ج.م

  • د.ك

    59.5976 ج.م

اوقات الصلاة
  • فجر

    3:08 ص

  • ظهر

    11:57 ص

  • عصر

    3:33 م

  • مغرب

    7:00 م

  • عشاء

    8:33 م

الطقس