محمد الدقاق: هذه كواليس اشتراكي في "الحصان الأسود".. والسقا إنساني لأبعد الحدود

أكد الفنان محمد الدقاق، أنه كان يتمنى العمل في مسلسل الحصان الأسود قبل مشاركته فيه، لافتا إلى أن المخرج أحمد خالد مخرج متميز.

وأضاف "الدقاق" في ندوة "الفجر الفني" قائلا: "هو لازم كنت اشتغل في الحصان الأسود حتى لو مشدنيش كان لازم اشتغل في الحصان الأسود، أنا أولا من الناس اللي هي مكنتش موجود خالص علي طول زي محمد علي يعني، أنا اعرف أستاذ أحمد من زمان وكنت دايما في كل خطوه أقوله أنا عايز أعمل كذا.. يعني باخد رأيه في حاجات لأن أنا بعتبره أخويا الكبير فعلا".

وأضاف قائلا: " كلمته في مرة بحكيله على موقف ما قعدنا نتكلم أنا عمري ما هنسى المكالمة دي 33 دقيقه.. كانت مكالمة كده غسلني.. قالي أنت مش معايا في المسلسل قولتله طب تمام أنا أكيد مش بكلمك عشان المسلسل.. قالي تمام.. وقفلنا.. أنا بعدها روحت صليت وكنت عارف وأنا بسجد إن أنا في مسلسل الحصان الأسود.. بعدها بفترة أنا جالي (طاقه نور)، وكلمته بقوله أنا جالي طاقه نور قالي حلو دا واشتغل وكده.. حصل موقف على الفيسبوك أن كان فيه حد بيكلم عنه مش كويس وكلام كتير مش حلو.. بكلمه بقوله متشغلش بالك وفكك من الكلام دا وخلاص لقيته بعديها بعتلي على الواتس اب (تدفع كام وتبقي معانا في المسلسل)، قولتله متهزرش معايا يعني أنا خلاص مش ناقص يعني، وقالي لا والله أنا بكلم بجد ودور مهم من أول ما يظهر جنب السقا.. على الطول قولتله أنا ادفع اجتهاد واشتغل قالي لا أنا عاوز فلوس".

وختم كلامه قائلا: "أحمد السقا أضاف لمحمد الدقاق الكثير، وأحمد السقا العبد لله يعني أنا الراجل دا فعلا بحبه جدا وقبل ما أشتغل معاه أنا من الجيل اللي أتربى علي شغل السقا وتاريخ السقا، ويجبرك علي احترامه شخص إنساني لأبعد الحدود".