"أديب": "حلق الذقون وخلع النقاب في الموصل بعد طرد داعش يؤكد أن التدين ليس بالإجبار"
قال الإعلامى عمرو أديب، إن ما يحدث حاليًا في الموصل بالعراق بعد طرد داعش، من حلق الرجال لذقونهم وخلع النساء للنقاب بعد ارتداءه بالإجبار، يؤكد أن التدين ليس جبرا، متابعا: "دا إذا كنا هنعتبر إن ده التدين، وعمرك ما هتجبر حد يبقى دقنه طويلة وست تلبس النقاب، ولازم نفهم إن الإخوان كانوا بيحاولوا يعملوا ده في مصر".
وأضاف "أديب"، ببرنامج "كل يوم" على فضائية ON E، مساء الأحد، أن الأزهر عليه أن يرسل مجموعة من علماءه لدراسة ما جرى في الموصل خلال سيطرة داعش عليها في الفترة السابقة، وتابع مستنكرا: "هو ده الدين اللي المفروض يكون رحمة بالناس؟".
وعن أكشاك الفتوى بمحطات مترو الأنفاق، قال أديب، إن هذا الأمر مهم جدا فى الوقت الحالي، مردفا: "الناس كلها قاعدة تتريق دلوقتي وكنا قاعدين بنشكي إن الأزهر موصلش للناس ومفيش خطاب ديني، والعلمانيين والمستنيرين ضد الموضوع ده، بس أنا شايف إن الموضوع ده في الوقت ده مهم جدا".
