سي السيد بيغيِر من ست السيد

الفجر الطبي

أمينة وسي السيد -
أمينة وسي السيد - أرشيفية


انا لااقصد ابدا اهانة الرجل ولكني بتكلم عن بعض الحالات التي اسمع واقرأ عنها وتدمر اسرة وتشتت اولاد
مشكلة تكررت في اكثر من مرة... تصلني تقريبا يوميا لدرجة مفزعة وسبب كثير من حالات الطلاق.

ايه المشكلة الراجل بيغيِر من مراته معقولة ديه !!! ليه؟
حتكلم بوجه عام وليس علي مشكلة محددة لانها كما قلت متكررة .. فروق اجتماعية ... فروق مالية .. فروق دماغية ... والاهم من ده كله فروق في المستوي الوظيفي .

الراجل في المجتمع الشرقي يحب ان يكون هو الامر الناهي وده عادي وبرضه الست بتحب الراجل اللي يحتويها ويحافظ عليها ويهتم بها ويكون مسؤول عنها 

لكن مابالك بالرجل الضعيف اللي بيعمل نفسه سي السيد ومراته افضل منه سواء في العمل او ماديا او اجتماعيا فيقوم بإسقاط عقده عليها ويحطمها نفسيا ويشعرها بأنها دائما علي خطأ وانها ليس عندها فكر وانها زوجة فاشلة !!!!هو ده بيت القصيد للاسف اولادنا واهلنا يختاروا شريك الحياة بدون مراعاة الفارق الاجتماعي والثقافي والمادي وعايزين يجوزوا البنت الحيلة حتي لو حيجهزها من كله او البنت تتمسك بواحد وتقوله "بحبه يابابا" وتكون النتيجة الانفصال مع وجود اطفال ليس لهم ذنب في اخطاء واختيار الاباء 

الراجل الواثق من نفسه يشجع زوجته ويقف بجانبها ويساعدها لان نجاحها من نجاحه وكذلك هي وراء كل عظيم امرأة تجاهد بجانبه وتوفر له حياة هادئة مريحة اذن الحياة مشاركة بين اثنين كل منهما يساعد الاخر في تحقيق هدف وطريق واحد لبناء اسرة في مجتمع صالح 

لكن التشاحن والغيرة سوف تشغله عن عمله ومستقبله وبالتالي سوف يكون كل تفكيره هدم زوجته وهو لم يخطر بباله انه سوف يسقط المنزل فوق رأسه قبلها 

انا لااتكلم عن كل الرجال لكن بتكلم عن بعض حالات وصلت لي عن طريق قرائي 
ايها الرجل انت سي السيد بعقلك ونجاحك والثقة بنفسك وليس بتدمير الست والبيت فوق دماغك