عمرو أديب لـ "أحمد الفيشاوي": الحرية لها حدود

علق الإعلامي عمرو أديب على موقف الفنان أحمد الفيشاوي بشأن كلمته الاستفزازية فى مهرجان الجونه قائلا: "القضية مش أحمد الفيشاوي وهى مش أول حادثة له، هو طريقة تفكيرة كدة لكن الحرية لها حدود، ولما تتصدم بناس تانية يبقى مينفعش، وأحمد كان حريص ميدخلش مع باقي فريق العمل أثناء عرض الفيلم رغم أنه يمثل مصر".

وأضاف خلال لقائه في برنامج "كل يوم" على قناة "ON E" قائلا: "عمرو سلامة كاتب على فيسبوك جملة مهمة، وبيقول "سبته الفيلم اللي بيمثل مصر ومجهود كبير ومركزين في كلام أحمد الفيشاوى، وفعلا عنده حق، لكن أنا مشكلتى الشباب على تويتر اللي بيعلقوا على جملة الفيشاوي وقالوا إن دا رأيه وهو حر، ونفس الأمر لما اترفعت إعلام المثليين في حفل "مشروع ليلى" والشباب يقولوا هم حريين، أنا مش فاهم أزاي هو إحنا مجتمع الكبت ولا الناس قاعدة تقول اللي عايزاه، طيب انتوا شايفيين حقوق المثليين طيب شوفوا حقوق الغير مثليين".


وتابع قائلا: "مجتمعنا المصرى دة مجتمع له اصول وله عادات ودين، وفى مجتمعات ايضا لا تقبل المثليين مثل المجتمع الامريكى والرئيس ترامب يرفضهم، وميركل والمجتمع الانجليزى".