رسالة مؤثرة من تامر حسني للزعيم عادل إمام ! (صورة)
شارك المطرب تامر حسني، منذ قليل عبر حسابه الرسمي بموقع الصور الشهير "إنستجرام" صورة تجمعه بالزعيم عادل إمام، في إحدى حفلات الزفاف.
وعلق "حسني" على الصورة قائلًا: "إني أضحك الزعيم بالشكل ده يبقى انا مش سهل ولا مواخذة،، حبيبي يا زعيم يارب دايمًا فرحان كده مفيش أي سبب لنزول الصورة غير اني شفتها بالصدفه وإفتكرت يوم ماشوفت الأستاذ عادل وأنا لسه في أول طريقي وطبعًا مكنتش مصدق اني واقف معاه من كتر ما بحبه،، وقاللي افتكر كلامي كويس يا تامر أنا بحبك وهتنجح وهتوصل لأحلامك".
وأضاف: "الصورة دي وأنا في نص مشواري وكانت في فرح بغني فيه وكان فيه فنانين كتير محدش فيهم قام يسلم أو يفرح معانا إلا هو الوحيد اللي قام وجالي وفضل يهزر معايا وأهزر معاه وبصراحه فرحت عشان عرفت أضحكه بالشكل ده ومال عليا كده وقاللي فاكر كلامي وحضني زي ابنه حسيت بس اني عايز أقولكم اني بحبه جدًا".
