محمد رجاء: سعيد بنجاح "الطوفان" من غير جثث ولا انفجارات
عبر السيناريست محمد رجاء سعادته بتجاوز مشاهدات مسلسله الجديد الطوفان 11 مليون مشاهدة علي "يوتيوب"، وكتب علي حسابه بموقع التواصل الاجتماعي "الفيس بوك": "سعيد بهذا النجاح لأنه يحدث لهذا النوع الدرامي المنقرض دراما اجتماعية كلاسيكية ناجحة الحمد لله من غير جثث.. ولا دشدشة عربيات.. ولا انفجارات.. ولا مصممين معارك.. ولا سسبنس.. ولا مشاهد قصيرة.. ولا إيقاع أمريكاني.. ولا لازم خمسميت حدث في الحلقة الواحدة.. ولا عفاريت وغرائبيات وتفذلكات.. ولا الفرقيعة فين وماتدقش ع المنطق أوي.. ولا فورمات كولومبي أو مكسيكي.. ومش مسلسل تركي.. ولا هندي.. ولا موريتاني.. مصري وطبيعي واوريجينال بتاع مجتمعه وشخصيات مجتمعه وبس.. ومخرج واعي وشبعان يحترم النص ويحاول جاهدا المحافظة عليه.. ومجموعة من النجوم حوالين موضوع واحد مش مجموعة من المشاهد اللي بتلف حوالين نجم أوحد للعمل".
وأضاف أن "العمل قائم في الأساس على النص اللي بيعتبر بشكل عام أهم عنصر في الدراما التليفزيونية .. ممكن ف الدراما تشوف مامتك واختك وابن عمك والموظف اللي بتتعامل معاه والناس اللي بتقابلها ف الشارع والطبقة المتوسطة الطبيعية ويبقى مسلسل حلو.. مش شرط الدراما تبقى القاتل المأجور ولا رجل الأعمال الفاسد ولا الظابط اللي بيجري ورا الإرهابي ولا البطل الشعبي الفحولي الجبار ولا العفريت اللي يحل ويعقد بدون منطق ولا البت الخارقة الجمال ولا النطة من سطح للتاني .. مش شرط والله وبينفع".
يعقد رجاء، حاليا جلسات عمل مع المخرجة هالة خليل والنجم يحيى الفخراني من أجل مسلسلهم الرمضاني.
