ماجد المصري للمخرج محمد سامي: "بمزاجك أو غضب عنك هتفضل اخويا الصغير"

شهدت حلقة اليوم من برنامج "ست الحسن" مشادة كلامية بين كل من الفنان ماجد المصرى والمخرج محمد سامى بسبب تصريحات الاول على مسلسل "كلام على ورق".


وعلق الفنان ماجد المصرى على تصريحات المخرج محمد سامى خلال مداخلة هاتفية مع الاعلامية شيريهان ابوالحسن على قناة on tv قائلا: انا مبهور بكلام محمد سامى لكن المشكلة انه يختار الحتة اللى مش بتعجبنى فى الكلام بيعقب على الكلام بمنتهى القوى.


واضاف قائلا: عندك حق ان زاهر كان نجم المسلسل، إلا ان زاهر رد عليه قائلا: العفو يا استاذ متقولش كدة.


ليستكمل المصرى حديثه: احنا مش مختلفين ان زاهر كان معاه قماشة حلوة اوى فى المسلسل، زى ما انا كان معايا قماشة سيف الحديدى فى مسلسل آدم، عشان كدة يا سامى، كلام صغير وعيب لما مخرج كبير يقول كدة، وعموما يا محمد بمزاجك او غضب عنك هتفضل العمر كله اخويا الصغير.


وتابع قائلا: وبعدين يامحمد اشتكيت فى اللوكشن واعتذرت من اول اسبوع على المسلسل وانت رفضت لية مقولتش الكلام على الهواء، قولت لك حاسس ان هضرب فى المسلسل دة وانت رفضت الاعتذار وكملت وضغط على نفسى ماديا وفنيا، مش حاكية دورى ودور زاهر لان ده كلام صغير اوى وانت عارف قدرى اوى كويس وانى فنان كبير.


واشار قائلا: خبرتى قالت لى من اول اسبوع ان المسلسل يقلل منى، واشتغلت معاك مسلسلين سيف الحديدى وزياد الرفاعى كانوا نقلة لى،انا كبير جدا يا محمد بمواقفى الشخصية معك.


الا ان محمد سامى رد عليه قائلا: فى جزء من الكلام مش مظبوط لما قولتى انك هتعتذر عن المسلسل فى البداية، قولت لك: انا موافق.