في عيد ميلاد عصام كاريكا.. تعرف على سبب خلافه مع محمد سعد

يصادف اليوم الإثنين 13 مايو، عيد ميلاد المطرب والملحن عصام كاريكا، الذي ولد في مثل هذا اليوم عام 1969، واشتهر بكونه مطرب وملحن، وقدم أكثر من 40 عملًا فنيًا على مدار مشواره الفني.

سبب خلاف عصام كاريكا ومحمد سعد 

كشف عصام كاريكا في وقت سابق، عن سبب خلافه مع الفنان محمد سعد، وهو إحدى أغاني فيلم "بوحة"،  وذلك بسبب تدخله وقيامه بتغيير في كلمات الأغنية، حيث كشف ذلك خلال لقائه في برنامج "معكم"  مع الإعلامية منى الشاذلي، قائلا:" حصل خلاف كبير جدًا ومن ساعتها متعاملناش تاني، الأغنية الأساسية بتقول: أول ما عرفت إنك عاوزني جيت أوام مقدرش استغنى عنك يا معلمني الغرام، واقولك برضو إني ياللي في بعدك ناسيني أؤمرني هتلاقيني تحت السلم بنام، هي كده دي قافية مظبوطة، لكن وإحنا في الاستوديو، سعد قالي لأ نشيل هتلاقيني تحت السلم بنام ونخليها سجادة بين إيديك، فقلت له مينفعش لازم تبقى مظبوطة، قالي لأ عاوزها كده وزعل وكان هيمشي".

ببقى هموت كل ما اسمعها.. عصام كاريكا يكشف عن موقفه بعد تغيير محمد سعد لكلمات الأغنية 

وأكد عصام كاريكا على أنه غضب وقتها من تصرفه، وتحدث مع المنتج وائل عبد الله، وأخبره بما فعله، لكنه أقنعه بأن يستجيب لمطلب محمد سعد، قائلًا:" كلمت المنتج وائل عبد الله، قلت له محمد سعد بيغير الكلمات لحاجة مش فاهمها، فقالي عشان خاطري والنبي مشيها، الفيلم واقف، فعملناها ومشيت، لسه زعلان لحد الآن وببقى هموت كل ما اسمعها".