بالفيديو.. "عرض كبير" يرشح "أحلام" لرحلة الى المريخ بلا رجعه

الفجر الفني

بوابة الفجر


قال الإعلامى الساخر أكرم الشرقاوى أنه تم ترشيح مائة شخص لرحلة الى كوكب المريخ، ومن بينهم مصرى واحد.


وأضاف خلال برنامج "عرض كبير" على قناة cbc قائلا: "البرنامج رشح عشرة كمان للمريخ فى رحلة بلا رجعة انشاءلله، والمرشح فى المركز العاشر هو الإعلامى عبدالرحيم على، ودة هيكون على هارد ديسك المريخ اللى هيسجلنا كل حاجة عليه، المرشح التاسع الفنان حجاج عبدالعظيم أحسن واحد يسوق للأراضى والطرق، المرشح الثامن الفنان مدحت صالح اللى عايز يعيش فى كوكب تاتى من ثلاثين سنة ومستنى الفرصة دى، المرشح السابع آدم وجميلة بعد 200 حلقة قررنا نبعتهم هناك يعيشوا فى المريخ ويملوه أطفال، أما المرشح السادس الشيخ وجدى غنيم".


وتابع قائلا: "المرشح الرابع هيكون الفلكى أحمد شاهين، وده أكثر واحد هيمشى أموره هناك، والمرشح الثالث هما إثنين فى كرسى واحد واستخسرت فيهم كرسين وهما توفيق عكاشة وحياة الدرديرى، اللى هيحاربو الجيل الرابع، والمرشح الثانى هشام الجخ "الحلازونة ياما الحلزونة"، أما الأول المطربة أحلام وهى أصلا من المريخ احنا هنرجعها لهم تانى".