عمرو سمير عاطف يروي تفصيل كوميدية لأول لقاء يجمعه مع "عادل إمام"
قال الكاتب عمرو
سمير عاطف، أنه تقابل مع الفنان الكبير عادل إمام في مكتب المخرج شريف عرفة، وان الأخير
علق على بعض الحلقات في السيت كوم "راجل وست ستات" و"العيادة"
و"تامر وشوقيه" التي ألفها الاول، بأنها نالت إعجابه.
حيث كتب
"عاطف" عبر حسابه الشخصي بموقع التواصل الاجتماعي "فيسبوك":"أول
مره اقبل عادل امام كانت فى مكتب عمرو عرفه ايامها كنا بنعمل راجل وست وستات وتامر
وشوقيه والعياده عمرو عرفه عرفنى بيه وقاله انى اللى كاتب الاعمال دى واحنا فى السنه
دى كنا كتبنا حلقه فى العياده المفروض عادل امام كان ها يطلع فى مشهدين فيها وده ما
حصلش.
وأضاف " عاطف":
أن، عادل امام قعد عشر دقايق تقريبا يكلمنى عن حلقات شافها فى تامر وشوقيه والعياده
وراجل وست ستات وانها عجبته قوي ولاقيته فاكر كل الافيهات المهمه وفضلت منشكح وسعيد
جدا وبعدين قلتله "طب مش كنت تطلع معانا فى حلقه احنا كنا كاتبين حلقه فى العياده
ليك".
وتابع:"قالى
وهو بيشاور على عمرو عرفه ما هم ما دفعوش، قلتله طب كنت اطلع عشان خاطري.. قالى خاطرك
ايه انا اول مره اشوفك.. قلتله بس انا حاسس انى شفتك قبل كده، وكل اللى قاعدين انفجروا
فى الضحك وهو أولهم.
وإختتم "
عاطف" كلامه: "راجل محترم ومتواضع جدا جدا ويستاهل النجاح اللى هو حققه".
اول مره اقابل عادل امام كانت فى مكتب عمرو عرفه ايامها كنا بنعمل راجل وست وستات وتامر وشوقيه والعياده عمرو عرفه عرفنى بي...
Posted by Amr Samir Atef on Tuesday, 31 March 2015
