بالصور.. هاشتاج "أنا صحفي إلكتروني" يتصدر "تويتر"

تصدر هاشتاج جديد بموقع التواصل الإجتماعي "تويتر"، #أنا_صحفي_إلكتروني، بعدما دشنه مجموعة من الصحفيين اﻹلكتروين، تعبيرا عن مطالبهم وآمالهم في تأسيس نقابة للصحفيين الإلكترونين مهنية مستقلة بهم.

وتفاعل عدد كبير من الصحفيين مع الهاشتاج، مطالبين بالمساواه والالتحاق بنقابة الصحفيين، حيث قال احمد فتحى، "#انا_صحفى_الكترونى انا مصور ومراسل فى نفس الشخص .. انا صحفى متكامل.. انا معرفش حاجة اسمها قعاد على مكتب .. عايز حقى فى نقابة تحمينى".

واضاف شريف حسن، "#انا_صحفى_الكترونى اللى بتشوفه شايل الكاميرا وبيحاول يصور معاك كل ثانية عشان بيعمل عنك تقرير كويس ده الصحفى الالكترونى اللى حقوقه مهدورة".

وتابعت شاهندة محمد، "#انا_صحفى_الكترونى انا صحفى الشارع.. انا المضطهد من الدولة ومن نقابة الصحفين وحتى الشارع ومن حقى نقابة تثبتلهم انى صحفى بقوم بواجبى".

واكمل احمد المقدامى، "انا الحر وانا المذلول .. انا اللى باكل يوم لحمة وباقى السنة فول.. انا الكلمة وانا الشارع .. انا اللى بموت ببلاش فى حواريكى #انا_صحفى_الكترونى".

و واصل احمد ابو القاسم، "انا_صحفى_الكترونى انا صوتك انا عينك .. انا المظلوم من الاشرار .. انا فكرك انا خيالك .. انا الاخبار فى وسط النار".

وعلقت سلمى خطاب، "الناس بره بتتنافس فى صحافة ما بعد "web" وتطوير ابلكيشن الموبايل والديناصورات اللى هنا لسة مش معترفين بالصحفى الالكترونى #انا_صحفى_الكترونى".

واكملت ميريت ابراهيم، "#انا_صحفى_الكترونى لازم الناس تفهم ان وصف كلمة "صحفى" مش حكر على الصحافة المكتوبة".

وقال mekasaabK "#انا_صحفى_الكترونى وليا حق انضم لنقابة الصحفيين مش علشان كارنية لكن لأنه اقل تقدير وحماية ليا".

وكتب محمد محمود، "#انا_صحفى_الكترونى اى حد فى الدولة ممكن يدينى بالجزمة عادى لانى معيش كارنيه بلاستيك يحمينى!".

وقال اشرف عباس: "عارف يعنى ايه صحفى الكترونى .. يعنى شاب بيشتغل بالشهور بدون اى مقابل على وعد انه يتعملوا عقد وفى الاخر بيبقى فى الشارع #انا_صحفى_الكترونى".