الحياة .. سهر وسكر ومرافقة

مساء الخير

باختصار أنا شاب عمري دلوقتي 36 سنة مقضي وقتي كله في اربع حاجات الشغل والسهر والمرافقة والويسكي .. مبعملش حاجة في العيشة غير كدة لكن بمرور السنين لما اهملت في بيتي ومع مراتي اللي غلبت معايا وربنا ابتلاني في صحة بنتي الوحيدة ضميري موتني من التانيب ونفسي الغي من حياتي كل القرف ده لكن حاسس اني مش قادر لكن بالرغم من كدة أنا مصر على اني اعدل حياتي واتقي الله في نفسي وبيتي وبنيت ومراتي ... وعلى فكرة مراتي ست الستات من كل حاجة وانا عارف ان أنا العيب فية وانا بعترف بغلطي وبجد نفسي ربنا يتوب علية لكن مش قادر ومش عارف ازاي .. أنا بكتب رسالتي دي وانا عشمان في قراء فضفضة من الرجالة يفيدوني بنصائح لعل حد فيهم يكون السبب في صلاح حالي وله الثواب عند الله... كتر خير الجميع وارجوا اني مكنش طولت في الرسالة.

م. عبد العال