بالصورة .. الغندور يرد على هجوم شادى " اللى يزعل يخبط دماغه فى الحيط"

رد خالد الغندور لاعب الزمالك السابق والإعلامى الحالى، على هجومه شادى محمد عليه فى برنامجه اليوم، أن كل أخبار صحيحة، واستشهد بالعديد من الأخبار التى أنفرد بها فى برنامجه حسب كلامه.

وكتب الغندور على صفحته الرسمة على موقع التواصل الإجتماعى "فيس بوك" الحمد لله انا اللي قلت جاريدو اللاعبين مش بيحبوه و مش هيكمل و مش بيحب رمضان و بامبو و انا اللي قلت الشيخ في الاهلي بعد ما كل الناس قالوا في الزمالك و انا اللي قلت السولية اهلاوي و مش هيروح الزمالك و مضي في الاهلي و السنة دي هيفضل في الاسماعيلي او هيروح الاهلي و انا اللي قلت وائل جمعة مش هيكمل و انا اللي قلت كهربا في الزمالك و انا اللي قلت ايفونا في الاهلي خلال ٥ ايام في الوقت اللي الناس و المواقع بتكتب ان ايفونا مضي من زمان و انه وصل و في الريحاب و انا اللي قلت ان الزمالك و الاهلي هيخسروا في الدوري و ما فيش حد هيكسب كل المباريات و ده قبل النهاية ب٥ أسابيع و انا اللي قلت ان الزمالك هياخد الدوري قبل النهاية بأسبوعين و انا اللي قلت ان مباراة الزمالك صعبة و الملعب سيّء و الحمد لله كل كلامي طلع صحيح و و انا اللي قلت ان الراجل ما عندوش مانع انه يبيع ايمن حفني و الحمد لله كلامي طلع صح و للأسف الرد علي معلوماتي و اخباري بيبقي انت حاقد انت مش فاهم حاجة انت بتقول اي كلام انت مش فاهم مباديء الاهلي انت بتحب مرتضي عشان كده بتقول اخبار غلط عن الزمالك و انت بتخلي مرتضي يشتم في الاهلي رغم ان انا اكثر واحد بيقدر يسيطر علي مرتضي و لما مرتضي دخل ربع ساعة و كان بيتكلم او يشتم في محمود طاهر رئيس الاهلي و لم يتكلم سيد او يرد الكل شتم مرتضي و لم يعلق علي سيد و قالوا اصله رد عليه بعد ما قفل طيب ما انا اعتذرت لهيثم و شادي لما قال كلام عنهم و رغم اني لم أكن اعرف شكل هيثم عرابي و لما بيدخل مع شوبير و مع كريم و مع النيل للرياضة البعض بيعمل نفسه مش من هنا و كان عايش بره مصر علي العموم انا ماشي في طريقي و اللي يزعل من الحقيقة يخبط دماغه في الحيط"