بالصور.. "لحمة وإجازة عيد" أحلام عمال النظافة في شوارع "شبرا"

في الوقت الذي ينتظر فيه المواطنون الأعياد والمناسبات وبالأخص عيد الفطر وعيد الأضحى لقضائه في منازلهم مع أسرهم أو في المتنزهات والحدائق والراحة من العمل،  يقضي عمال النظافة عيدهم في الشوارع أو المتنزهات لتنظيفها، ويعتبر العيد بالنسبة إليهم في أداء شعائر صلاة العيد.

 

"العيد يتاعنا بيبقى في الصلاة الصبح وبعدين بننزل على شغلنا طول ١٢ ساعة في اليوم بننضف منطقة شارع "شبرا وطوسون والدوران" ومحدش بيسأل فينا بلحمة ولا جنيه حتى"، هكذا قال لنا محمد كامل رفاعي عامل نظافة منذ ١٩ عاماً وهو يحمل مكنسته ويجر سلته ويتصبب عرقاً من مشقة عمله.

 

وأضاف "رفاعي": "ببقى مبسوط وأنا عارف إن الناس كلها مرتاحة في بيوتها وأنا بشتغل عشان أجيب لقمة لعيالي في العيد ومصاريف لمدارسهم بعد العيد".

 

أما سلامة الغول- عامل نظافة بمنطقة " شبرا" أيضاً قال: "أنا حلمي إني أقضي العيد مع أولادي في البلد في "المنوفية" بس أكل العيش إجباري بيخلنا نقضيه في الشغل في الشارع وبالذات أيام العيد عشان بيبقى في زيارات في للمحافظ وكل ده على ٥٠٠ جنيه آخر شهر وبعقد سنتين يعني بعد السنتين دول مش عارفين مصيرنا هيبقى ايه هيمشونا ولا لأ.