خالد الصاوى مهاجمًا "MBC مصر": احنا بس اللى نحاسب.. والغريب يقعد بأدبه
شارك الفنان خالد الصاوى، جمهوره بشعر كبير، وذلك ردا على سخرية اﻹعلامى أكرم حسنى، من ماسبيرو فى برنامج "أسعد الله مسائكم" على ام بى سى مصر معربا من خلاله عن إستيائه من سخرية "أبو حفيظة، من تلفاز بلده.
وكتب "االصاوى" على صفحته الشخصية بموقع التواصل الاجتماعى "فيسبوك": يا ماسبيرو أنا ملح الأرض دي.. ابن البلد دي.. اللي قال بلدي وقت ما استعر الخسيس وصوصو: ياي بلدي!انا ابن شعبي ده بجماله وعبله وانا اللي قلت الله عالشعبي وقت ما الخنافس ضيقوا بقهم وشاوروا عالحقيقي وعايروه بأنه "شعبي"!..أنا بس اللي أبني وأهد وأحاسب وأصلح وأضرب وألاقي.. والغريب قاعد بأدبه.. شايله على راسي ومدورله "كلمة حق".
وأضاف قائلا: "إنما..يغلط في ابويا وجدي ألف له المصلحة في كيس بلاستك اسود والله الغني والارزاق على الله.. أنا ابن ماسبيرو المريض يا mbc
أنا ابن بلدي يا طال عمرك.. واحمد ربنا اني عديتلك قبل كده مهزلة "سرايا عابدين" وكم تلقيحة .. وبقولك اصح للي جاي ولو حبيت تنتقم من ابراهيم باشا ولا عبد الناصر حنقلب الفرح معزى..أناللي وقعت نظامين في غمضتين عين .. شد حيلك انت بس واستصدر قانون يبيح للمرأة القيادة".
وأنهى كلامه قائلا: "وكلها مية سنة وتعمل بعدها حاجة زي كفاية او تمرد. آست!!..هات شيشة يا صمبو ورش قدام القهوة الجو زامت..يالله يا ولي الصابرين.. ما ترش مية ياض!!!".
