بالفيديو.. متصلة لمذيعة «TEN»: «عيب تتكلموا على عمرو خالد».. والأخيرة: «محدش يقولنا عيب»

قالت متصلة تدعى حنان، بعد اتهام عمرو خالد بأنه إخواني: «الجلسة دي جلسة نميمة وحشة جدًا، وعيب أوي الكلام اللي بتقولوه عن الداعية عمرو خالد، لأنه راجل محترم، وما ينفعش أبدًا الراجل الشاب الجميل ومتربي أحسن تربية تتكلموا عنه، وماله لما يبقى من الإخوان بس إخواني نظيف».

وأضافت «حنان»، خلال اتصال هاتفي ببرنامج «البيت بيتك»، المذاع عبر فضائية «ten»، مساء اليوم الثلاثاء: «يعني مش إخواني قذر يودينا في داهية»، وردت الإعلامية إنجي أنور، قائله: «ماحدش يقول لنا عيب ولا مش عيب، احنا بنعرض كل الآراء في البرنامج، وبنتكلم عن شخصية عامة بيتأثر بها الجمهور والشباب في مصر».