داعية إسلامي: «حصول الزوج على شبكة زوجته عادة منيلة».. (فيديو)
انفعل الدكتور مبروك عطية، الاستاذ بجامعة الأزهر الشريف، على متصل يُدعي محمد من القاهرة، بسبب تساؤله حول حكم رفض زوجته إعطاءه ذهبها نظرًا لوقوعه في أزمة مالية ولديه بنت منها، وقوله: «مش من المفروض الست تقف جنب جوزها، هى زعلانه عند أهلها، وأنا عايز أطلقها»، قائلًا: «عايز تتطلقها ومفكرتش في بنتك؟».
وأضاف «عطية»، خلال تقديمه برنامج «الموعظة الحسنة» عبر فضائية «دريم»، اليوم الإثنين: «إحنا مش هانجوز البنت عشان تقف جنب جوزها، فيه ألف سكة تجيب منها فلوس غير ذهب مراتك، شبكتها جزء من المهر، لو أديتهالك بمزاجها تبقي دين عليك، أخذ الشبكة بعد الزواج عادة منيلة عند الفلاحين».
