آدم يسخر من جابر القرموطى.. وأكل عمرو أديب للفسيخ على الهواء

سخر الفنان أحمد آدم، من الإعلامى جابر القرموطى، أثناء إحتفال الآخير بعيد العمال على الهواء فى برنامجه، حيث قال آدم: "لقيت جابر القرموطى بيحتفل بعيد العمال لابس عفريته زرقا وبيدق مسامير وحاطط قلم وراء ودنه، مش عارف عايز يمثل ولا اية، وبيشرب شاى على الهواء وبصوت بيقول اصل العمال بيشربوا كدة.


وأضاف خلال برنامج "بنى آدم شو" على قناة "الحياة" قائلا: "ياختى على الاعلام واللى بنشوفوة منه، القرموطى بيعلم الناس يدقوا المسامير على الهواء.


وتابع قائلا: قولت أغير القناة، لقيت عمرو أديب، قولت يا مسهل، لقيته فارش ادامة صينية فسيخ وبصل وعمال ياكل قلب لى ريحة الشقة، تلات ساعات متواصل بياكل على الهواء ومعاه ضيوف كانت دكتورة تغذية واخصائى بطنه وبتاع فسيخ، ومنطقوش كلمة عنيهم فى الفسيخ ومداهمش لقمة، جاى بياكل بطارخ الدكتور حاولت تمنعه وقالت له غلط تاكله كله، راح قالها غلط اية البطارخ دة الحياة.